Puriqmasipura - VI

“Yaya Kuriñawpa, kaypim kani. Ñam kutimuni.”
“Anchatam kusikuni. Yaykuy. Yakunayasunkichu, yarqankichu? Mikuytaq, upyaytaq!”
“Yaya Kuriñawpa, qamwan wiñaypaq tiyasaqmi. Tukuy rarqap takintari yachakusaq. Wakin wamrakunari “padrep churinmi kanki” ñispam yanqalla qaparichunku! Chayraykum mana ña putikusaqchu!”
“Allinmi. kananqa samakuy. Qayamantam tukuyta yachachiyta qallarisaq. Mana ñuqa kaptiyqa qammi rarqap yakun pusamuyta kamarinki.”

Ñam iskay kimsa killata Kuriñawpawan tiyaspa wamraqa rarqap kawsasqanta yachakurqan.
Huk punchaw llaqtaman uraykuspam wakinnin wamrakunawan tinkunakurqan.
“Chika achka punchawmi illarqanki! Maymantaq purikuq karqanki?”
“Ancha karutam purikuq karqani. Kananqa ñataq yayay Kuriñawpawan wakilla tiyani.”
Anchata mancharispam wakinnin wamrakunaqa payman qawaykurqanku.
“Qam ripuptiykipachallam Anselmo Kuriqa wañurqan. Isabel Chawpitikllari ayantam apuskinkunap machayninmanqa apachirqan.”
Manchaymanta chukukuspam chay wamrakuna kallpaspa ripurqanku.

“Yayay Kuriñawpa, napaykuyki. Chay aswata kukatapas qampaq apapuyki. Wiñaypaqmi ñuqawan tiyanki. Manam haykappas qunqasqaykichu."